ရွှေတိဂုံစေတီတော်မြတ်သည် ဘာသာရေးဆိုင်ရာ နေရာတစ်ခုဖြစ်သည်သာမက မြန်မာလူမျိုး တို့၏ အနုပညာ၊ သမိုင်းကြောင်းနှင့် ဗိသုကာ လက်ရာများအားလုံးကို တစ်စုတစ်ေ၀းတည်း သိုမှီးရာ နေရာလည်းဖြစ်သည်။

ပြခန်းတွင် စေတီတော်၏ အတၳုပ္ပတ္တိ၊ စေတီတော်ကို တည်ထားကိုးကွယ်ခဲ့ကြသူများအကြောင်း၊ ဗုဒ္ဓဘာသာ၏ အခြေခံသဘောတရားများ နှင့် ဗုဒ္ဓဘာသာဝင်များ၏ ရည်မှန်းချက်များပိုမို ထက်သန်လာစေရန် ရုပ်ပုံများဖြင့် ဂုဏ်ယူစွာပြသထားပါသည်။

ရင်ပြင်တော်ပေါ်ရှိပြခန်းတွင်ပြသထားသော သရုပ်ဖော်ပုံများ၊ ဓါတ်ပုံများမှတဆင့် စေတီတော်၏ သမိုင်းကြောင်းနှင့် သရုပ်သကန်များကို လေ့လာသိရှိနိုင်ပါသည်။

ရွှေတိဂုံဘုရားပေါ်တွင် အလှူ ရှင်များအလွယ်တကူ ဒါနပြုနိုင်ရန် အလှူ ခံပုံးများထားရှိပါသည်။

ထိုအလှူ ခံပုံးများတွင် ရွှေဆိုင်း၊ လျှပ်စစ်မီး၊  ရေ၊ ဘုရားထိန်းသိမ်းစောင့်ရှောက်ရန်အတွက် စသဖြင့် အမျိုးအစားများ ခွဲခြားဖော်ပြထားသည်။

အလှူ ခံပြေစာ စာရွက်တွင် မိမိအမည်၊ မိသားစုအမည်တပ်၍ လှူ ဒါန်းလိုပါလျှင် ဘုရားဂေါပကရုံး သို့ဆက်သွယ်လှူဒါန်းနိုင်ပါသည်။

နံနက် ၈ နာရီ မှ ည ၉ နာရီ ထိ

ရွှေတိဂုံ စေတီတော် ၏ ရင်ပြင်တော်၊ Information Center များ နှင့် ဥပစာ နေရာများသို့ ၀ှီးချဲလ် အသုံးပြုသူများ သွားလာ နိုင်ပါသည်။
၀ှီးချဲလ်အသုံးပြုသူများ အနေဖြင့် စေတီတော်ပေါ်သို့ တောင်ဘက်မုခ်မှ  တက်ရောက်နိုင်ပါသည်။
တောင်ဘက်မုခ်တွင် ဓါတ်လှေကား ၂စင်းရှိပြီး အကူညီလိုအပ်ပါက ဘုရားဂေါပက အဖွဲ့ရုံးခန်းသို့ ဆက်သွယ်နိုင်ပါသည်။
Information Center တွင်ရှိသော ၀ှီးချဲလ် အရေအတွက်မှာ အကန့်အသတ်ရှိပါသဖြင့် (ဦးရာလူစနစ်) ဖြင့်သာရနိုင်ပါသည်။

ဘုရားဖူးဧည့်သည်တော်များအနေဖြင့် ရွှေတိဂုံစေတီ တော်မြတ်ကို လေးစားကြည်ညိုသည့်အနေဖြင့် မိမိတို့၏အ၀တ်အစားများကို ရိုးရိုးနှင့် ဣနြေ္ဒရရ ၀တ်ဆင်သင့်ပါသည်။ ဖော်ပြပါ အ၀တ်အစားကန့်သတ်ချက်အတိုင်း လိုက်နာ၀တ်ဆင်ရမည်။ ဘောင်းဘီရှည် (သို့) ဒူးဖုံးသည့် ဘောင်းဘီတို၊စကတ်နှင့် တံတောင်ဆစ်အထိရှည်သည့် တီရှပ်အင်္ကျီများကို၀တ်ဆင်နိုင်သည်။ ဘုရားရင်ပြင်တော် ပေါ်သို့ ဖိနပ်ချွတ်ပြီးမှသာ တက်ရောက် ရမည်။ ဖေါ်ပြပါအ၀တ်အစားကန့်သတ်ချက်နှင့်ပတ်သက်ပြီး မသိရှိ၍ မှားယွင်း၀တ်ဆင်မိလျှင် လည်း အပြစ်ကြီးကြီးမားမား မသက်ရောက်ပါ။